YMA General Conference neih tur thlirin Champhai kawng siam tan

0
93
views

YMA General Conference, thla leh ni 17 a\anga ni 19 thlenga Champhai Zotlanga neih tur thlirin Champhai kawng chu beihpui thlaka siam \an a ni. Home Minister, Pu R. Lalzirliana hova nimina a office-a hnathawh dan tur sawihonaah kawng siam \ha\na tur lung an mamawh zat hmuh theihna turin Keifanga BRTF quarry khar tawh chu hawn leha, lung lak nan hman ni se tih a ni a, hei hi bawhzuiin vawiin khan Aizawl Bawrhsap aiawhin Saitual SDO (Civil), Pu R. Vanlalsawma b^kah PWD leh Geology & Mineral Resources Department mite chuan he quarry hlui hi an en fiah a, he quarry hi tun hma lama vanduaina thlen tawhna hmun a nih avanga khar a nih hnuah, mamawhna avanga lung lak nan hman zui leh tum a nih avangin a endiktute hi an fimkhur hle a, a hlauhawm lo lai tur thlangin, hnathawktute chu kaihruaitu \ha tak nena fimkhur taka hnathawk tura tih an ni. He quarry hlui, hman zui leh turah hian vawiin khan lung hal tur verhna khawl, air compressor pawh phurh luh a, a rang thei ang bera hnathawh tum a ni. He quarry a\ang hian October ni 16 thleng lung lak theih a ni ang. Hemi bakah hian Keifang leh Tuirini inkara mimal quarry pahnih a\ang leh Keifang leh Champhai inkara quarry pakhat a\ang leh Sihfa leh Saitual inkara mimal quarry pakhat a\angin lung lak tum a ni bawk. Seling leh Champhai inkar kawng, National Highway 6 chu rang taka siam \hat a nih theih nan lirthei lian chi tlan theih ni tur pawh ruahman nghal a ni a, Aizawl a\anga Champhai pan turte chu Thawh\anni, Nilaini, Zirtawpni leh Pathianni-ah an kal thei ang a, Champhai a\anga Aizawl pan turte chu Thawhlehni, Ningani leh Inrinniah an kal thei bawk ang. Seling leh Champhai inkar kawngah hian khualzin phur chi bus leh ni tin khawsakna mamawh phur chi motor lian tih loh, motor lian dang, ke ruk nei chin leh a chung lam tlan phal a ni lova, khapna thupek hi Aizawl Bawrhsap leh Champhai Bawrhsap-ten an siam ang a, chu chu dan leh thupek keng kawhtu Bawrhsap leh Police-ten anmahni bial huam chhung \heuhah an keng kawh dawn a ni.

Nimina Khawzawl bul, kawng chhe laia truck pahnih tànna leh truck dang pakhat chetsualna hmuna kawng hnawh pingtu truck tángte chu vawiin chawhma dar 10 vel khan lak chhuah a ni a, hemi bakah hian Tuivawl bulah vawiin tlai dar 3 vel khan motor tangin kawng a hnawh ping bawk a, hei pawh hi hnuh chhuah leh tawh a ni. He kawngah hian motor a la tlan thei ngawr ngawr nia thu dawn a ni a, naktukah chuan Khawzawl Joint VC-in kawng siamtu, PWD an pui dawn a, Keifang lam a\angin VC te pawhin a theih dan ang angin kawng siamtute an pui dawn niin PWD hotute chuan an sawi.