YMA General Conference vawi 71-na, Champhai Zotlanga neih turah palai thahnem tak thleng tawh

0
702
views

Zanin a\anga Ningani thlenga YMA General Conference vawi 71-na, Champhai Zotlanga neih turah vawiin tlai thleng khan palai \hahnem tak an thleng tawh a, Organizing Committee hruaitute hnen a\anga ZONET thudawn danin, palai an la thlen belh zel avangin palai zat hi hriat chian theih a la ni lo. Palai tam ber chu Zotlanga Conference Pandal bula in report-na tur hmun siamah an in-report a, vawiin tlai dar 5 thlenga in report tawh chu 1,000 chuang an tling tawh a ni. Aizawl a\anga palai kalte hnen a\anga ZONET thu dawn danin Seling leh Champhai inkar kawngah kawng chhiat avanga palai tangkhang an awm lova, mi tam ber chu Bus, Sumo leh Pick up-te hmangin an kal a, car-a kal pawh an awm nual a, kawng chhiat avanga harsatna an tawk lo nia thu dawn a ni. PWD Highway hotute chuan tukin khawvar dawna ruahsur khan Champhai kawng hi a tuam phak lo niin an sawi a, hei vang hian vawiin thleng khan kawng dinhmun hi a la ziaawm zui zel a, hnathawktute chuan a chhe lai awm thei an la vil zui zel a, YMA General Conference neih chhung pawhin kawng hi an vil zui zel dawn niin an sawi.

Zaninah hian Pandal, Zokhawpui R<nah Central YMA Vice President, Pu Vanlalruata kaihhruaiin palai lawmna neih a ni ang a, Ruantlang bialtu Pastor, H. Lalnunmawia’n hun serh a hmang ang. Organizing Committee Vice Chairman, Pu H. Darhmingliana’n palaite lawmna thu a sawi ang a, General Secretary, Tv. Lalhmachhuana’n kum 2016-2017 chhunga report a pe ang a, YMA chanchinbu la \hate leh faina lama hnathawk \ha chu chawimawina hlan an ni bawk ang. He inkhawmah hian zaipawl leh mimal zaithiam \hahnem tak an zai dawn a ni. Naktuk chawhma dar 10:30-ah Pandal kawta Mizopa Ina Exhibition buatsaih chu Central Executive Member, Pu Vanlalrema Rokhum-in a hawng ang a, hemi hnu, dar 11 a\anga tlai dar 4 thlengin Central YMA President, Pu Lalbiakzuala kaihhruaiin Pandal-ah rorel inkhawm neih a ni ang a, Conference hmasa leh tun Conference inkara YMA member thi ta te sunna pawh hman a ni ang. Rorel chhung hian Mangkhaia Hall-ah CEC Member, Pu Jeffrey L. Fanai kaihhruaiin Variety Programme hman a ni bawk ang.