Zemabawk High School Veng tlangval, kum 19 mi, Lalramngaihsanga chu nimin khan Chennai-a Marina Beach-ah tuiah a tla hlum. Zemabawk YMA hruaitute hnen a\anga thu dawn danin, Pu Siakkama fapa, Lalramngaihsanga hi Chennai-a Coal Barbeque Velachery Hotel-a thawk a ni a, nimin tlai khan a \hiante nen Marina Beach-a tui an chen laiin tuifinriat fawnin a la a, a ruang hi nimin tlai dar 6 vel khan hmuh a ni. A ruang hi vawiin khan Tamil Nadu sorkar Multi Super Speciality Hospital, Triplicane-ah Doctor ten an endik a, hemi hnu hian Mizorama lak tura buatsaih nghal a ni a, naktukah Aizawl rawn \thlenpui theih beisei a ni. Chennai Mizo Welfare Association chuan nizan khan amah thlahna inkhawm hi Chennai-a Chepauk-ah an nei a ni.
