Siaha Govt. Higher Secondary School-a Mara Student Organisation hruaitute chuan an Sikul-a Geography leh Economic Subject-a zirtirtu pakhat ve ve an ban hnu-ah harsatna an tawk nia sawiin an aiawh tur zirtirtu dah thuai turin sorkar an ngen. He thu hi vawiin khan MSO hruaitute chuan Siaha-a thuthar thehdarhtute an hrilh a, tunah hian Geography leh Economics Subject zirtir turin zirtirtu pakhat ve ve chauh an awm tih sawiin 2nd Term Exam neih hma ngei a zirtirtu dang dah belh turin thuneitute an ngen. Siaha-a kan Correspondent sawi danin Govt. Siaha Higher Secondary School-ah hian tun dinhmunah zirlai 418 an awm a, zirtirtu 24 in an zirtir a, heng zinga 13 chu Science stream a mi an ni a, a bak 11 chu Arts stream a mi an ni.
