ZONET buatsaih Mizo Idol 2018 chu kumin July ni 25 a\anga neih \an tura ruahman a ni. Kum hmasa lama tih dan ang lo deuhin a thlitfimna Audition round chu District khawpui tinah a intahtawlin neih tum a ni a, hei hi Zonet chuan LIVE-in tih chhuah vek a tum a ni. District hrang hranga Preliminary Audition Round hi ZONET Distributor ten an buaipui ang a, chungte chu Champhaiah chuan CCN, Serchhipah Lalro Digitals, Lungleiah JB Cable, Lawngtlaiah Skynet Cable, Siahaah New Skylink leh Kolasib-ah CZS te an ni. Preliminary Audition Round chu Champhaiah July ni 25-ah neih a ni ang a, Serchhipah July ni 28-ah, Lungleiah July ni 30-ah, Lawngtlaiah August ni 1-ah, Siahaah August ni 2-ah, Kolasib-ah August ni 4-ah, Mamitah August ni 6-ah leh Aizawlah August ni 8-ah neih a ni ang. Tel tum te tan tel dilna, Mizo Idol entry form hi June thla a\angin a lak chhuah theih a ni ang.
