ZPM Legislature Party Leader, Pu Lalduhoma’n ram khua leh tui nih theihna tur dan thar, Citizenship (Amendment) Bill, 2016 chu kaltlangpui a nih chuan India hi Mizote tan awmna tlak a nih dawn tawh loh avangin mahni Party bil ham\hatna dah \ha a, \anrual a \ul takzet tih a sawi.

He thu hi vawiina Kolkata a\anga Lengpui \umhmun a lo thlena thuthar lakhawmtute a kawmnaah a sawi a. Inrinnia Trinamool Congress-in Kolkata-a Mega Rally an buatsaiha an party MLA, Pu Andrew H. Thangliana nen an tel chu Pathianin a kaihruai nasa tih sawiin, an beisei aia nasain an hlawhtling niin a sawi a ni. Vawiina ZPM Leader, Pu Lalduhoma leh MLA, Pu Andrew H. Thangliana’n Lengpui \umhmun an lo thlen lai hian an party miten an lo hmuak a ni.