Vawiina an pawl chhung inkhawmah he thu hi sawiin, Pu F. Rodingliana chuan, Congress nen an thawk ho kha mi tam tak chuan an ti dik lo niin an hriat a, hei hi a dikna chen awm mah se, thawh ho kha an thil duh leh tum ber a ni lova, hetihrual hian BJP ral lian zel tur ven chu ngaia an tih bawk si avangin an party hmalam hun dah \haa kha thawh hona kha siam ta an ni, a ti a. An party bil ham\hatna tur chauh ngaihtuah duh se chuan kha inthlanah khan tla tur pawhin an mal din ang a, an party chuan mipui rin a hlawh phah dawn tih an hria a, hetihrual hian party bil hma\hatna chauh ngaihtuah thei an ni loh avangin khatiang thutlukna an siam a ngai ta a ni, a ti.
Pu F. Rodingliana chuan, Congress nen an thawh ho avang khan ZPM chu an chhe ta duai tihna a ni lova, Zoram nghahfak an nih miau avangin hmalam panin an kal mek zel a ni, a ti a. An pawl chu an insiamrem hun hun Sorkar an kaihhruai hun a ni dawn a, tunah MNF-in thuneihna la chang rih mah se, an mahni thil tih hmang an la chiat dawn tho avangin ngaihmawh tur an ni lo tih a sawi. ZPM Sr. Vice Chairman chuan, ram, hnam leh sakhua a him loh chuan pawl mala lo hìm bikin awmzia nei lova an hriat avangin ZPM hma lam hun hlan chung leh mahni indah\haa ram tana pen chhuak ta a ni, a ti a. Ram, hnam leh sakhua a him dawn lo ni-a an hriat avanga pawl sawi lova an penchhuah ngamna chuan Zoram siam an tumna kawngah thu thui tak a sawi nia an hria thu a sawi. ZPM-a beiseina nghattu leh \halaite chu beidawng lo tur leh ZPM laka an beiseina chu titawp mai lo tura chahin, Pu F. Rodingliana chuan, \halaite tana Zoram thar siam an duhna rilru chu ala ngai reng a ni, a ti a. Pathian lalram din a, a rawng bawl tur chuan \awng\aina nen he ram hi siam a ngai a, chutiang ni lova Political Party dang anga an kal a nih chuan ramin chhiat lam a pan dawn a. ZPM chuan \halaite an duhsak hmasa dawn a, an fatute chuan mi ei hnu-ah, VIP culture dah\hain mizo takin, Zoram tan a chawnghei huamin an thawk dawn a ni, a ti.
