ZPM Thalai Chairman, Pu Lalmuanpuia Punte-in Bairabi Zophai hmuna thil thleng chungchanga Sorkar thiltih dan an dem thu sawi

0
919
views

ZPM |halai Chairman, Pu Lalmuanpuia Punte-in Bairabi Zophai hmuna thil thleng chungchanga Sorkar thiltih dan chu an dem thu nimina Aizawla thuthar lakhawmtute a kawmnaah a sawi a. Thil awm dan a\ang chuan Mizo zirlaite kha Assam Police kutah thi vek mah se, Mizoram sorkar-in pawi a ti miah lova an ngaih thu an sawi. Pu Lalmuanpuia Punte chuan, Zofate Chawlhbûk sakna tur hmunah Hailakandi ADM leh Additional SP-in firing order nei sain an awm tih Mizoram sorkar-in a hre chungin medical team a dah miah lo kha a mak a ni, a ti a; Mizoram police-te chu zirlaite thlavâng hauh tur leh chhan turin a hmunah an awm lo a, MZP-te riahna bula Assam sikul pakhat chu an tihchhiat hlauin an veng zawk tih a sawi. ZPM \halaite hruaitute chuan, Assam police-in Mizo zirlaite an vuak darh leh silaia an kah chu Inrinni chhun dar 12 vel a ni thu leh, a hnu darkar khat vela MZP hruaituten Bairabi Police Station-ah kalin \anpui an dil a, Bairabi PS-ah hian Kolasib DC leh SP-te chu kawngka inkalh khungin MZP hruaitute chu an ngaihsak duh lo a, beidawngin an let leh tih an sawi a. Chumi hnuah pawh zirlaite chu Bairabi PS-ah an kal leh a, a hung chhungah pawh luhtir an phal lo tih an sawi. MZP-te riahna bula thlám pahnih chu March 9 zanah MZP tihmualpho tumte’n an hâl tih sawiin, Pu Lalmuanpuia Punte chuan, pakhat zawk chu a thlám neitu vai hâl a nih hmel a; Inrinnia buaina chhuah hnuah Mizoram motor taxi, car leh Maxi Cab pakhat \heuh leh bike pahnih tihchhiat a ni tih sawiin, “Bike pakhat hâl a ni a, mobile phone 40 vel leh laptop pathum tihchhiat a ni. Thil tichhetute hi Assam police ni loin, a bul vela khawtual mi vai an ni tih a sawi.

Mizoram sorkar chu engchin nge Mizoram ramrîa a pawm tih chu ZPM \halaite zawhna a nih thu sawiin, an dinna chiang taka mipui hnena puang turin an phût a; status quo maintain anga an insawi chungchangah, engtikah nge Mizoram leh Assam sorkarin status quo vawng tura inremna thuthlung an siam tih pawh an zawt bawk.