Zu khap burna dan hmang leh tura sorkar hmalakna chu Kohhran hruaitute leh tlawmngai pawl aiawhten \ha an tih thu Chief Minister Pu Zoramthanga an hrilh.

0
497
views

Chief Minister hian vawiin khan CYMA, MHIP, MUP leh MKHC hruaitute kawmin zu khap chungchang hi a sawipui a, state pawn a\anga dan lova zu lo lut tur dan kawngah leh state chhunga dan lova zu zuarte khuahkhirh kawnga hma la turin Sub-Committee din rawt a ni a. Excise & Narcotics Minister Dr. K Beichhua kaihhruaiin Liquor Prohibition Coordination Committee din nghal a ni. He Committee ah hian Vice Chairman ah Principal Secretary, Home ruat a ni a, Secretary ah Excise & Narcotics Secretary ruatin, Assistant Secretary ah Excise Commissioner ruat a ni. Member ah IGP (Law & Order), DIG (Northern Range) leh CYMA OB zawng zawngte ruat an ni bawk a, naktuk chawhnu dar 2:30 ah Excise Minister hovin hmalak dan tur ngaihtuahin an \hukhawm nghal dawn a ni.

Kohhran hruaitute leh tlawmngai pawl hruaitute nen an inkhawmnaah hian Chief Minister Pu Zoramthanga hi Deputy Chief Minister Pu Tawnluia leh Excise & Narcotics Minister Dr. K. Beichhua ten an \awiawm a,

Chief Minister chuan Cabinet Meeting in zu hralh phalna titawp tura thutlukna a siam leh mimal agency ten an hralhchhuah loh nan dry day puan nghal a nih thu a sawi a. Heng hmalakna te hi hlawhtlin theih nan Kohhran leh tlawmngai pawlte nen thawkho-a mipui thlawpna a pawimawh thu a sawi a, Zu leh ruihhlo vanga buaina tawkte enkawlna tur ngaihtuah thuai a nih tur thu a sawi bawk.

|hutkhawmnaah hian Chief Secretary Pu Arvid Ray, Principal Secretary Home Pu Lalnunmawia Chuaungo, Excise Commissioner & Secretary Pu K.T. Beicho, Law & Judicial Secretary Pi Marli Vankung leh officer dangte pawh an tel a ni.

Mizoram sorkar thara Cabinet meeting hmasa ber nimina neihah Mizoram sorkar hnuaia PSU \henkhat leh Police Bn \henkhat zu zawrh mek chu a vaia tihtawp nghal rel a ni a, Cabinet thutlukna bawhzui hian Police Bn paruk, 1st Bn MAP, 2nd bn. MAP, 1st IR Bn. Mualvum, 2nd IR Bn. Khawzawl, 5th IR Bn. Lungverh leh Mizoram Home Guard and Civil Defence Chawlhhmun hnena zu zawrh phalna sorkarin a pek chu nimin tlai khan Excise Commissioner chuan a cancel sak nghal a, hemi rual hian PSU pathum, ZIDCO, MAMCO leh MIFCO hnena zu zawrh phalna pek pawh cancel nghal a ni bawk.

Sorkar thutlukna angin Mimal zu zawrhna dawrte pawh Zirtawpni a\ang khian kumthar January ni 14 thleng, Dry day puangin khar nghal vek a ni dawn a, zu khap burna dan chu Assembly Session hmasa berah pass tum a ni ang.