Zu lei phalna, Liquor Card thar siam leh Renew theih hun hawng mek, Aizawl District-ah nimin thleng khan zu card hi 7,055 pekchhuah a ni tawh

0
686
views

Tunlai hian zu lei phalna, Liquor Card thar siam leh Renew theih hun hawn mek a ni a, Aizawl District-ah chuan nimin thleng khan zu card hi 7,055 pekchhuah a ni tawh. Aizawl District tana zu card siam theihna chu Aizawl Tuikual venga Aizawl District Excise Superentendent Office-ah hawn a ni a, zing dar 9:30 a\anga chawhnu dar 4 inkarah card hi siam tir theih a ni. Aizawl District Excise Supirentendent, Pu Z. Lalhmangaiha chuan card hi nimin thleng khan 7,055 an p>kchhuah tawh thu leh ni khatah 800 vel zel pe chhuak ang an nih thu Zonet a hrilh. Zu card hi a thar pakhat cheng 340 leh a hlui Renew-na pakhat cheng 300 a siam theih a ni a, sorkar kumbi chhiar zulzuiin kum khat chhung nung tura tih a ni a, tunah hian sorkar kum thar hman \an a nih avangin nikum chhunga pekchhuah chu a thi tawh a, zu lei duhten Card thar an siam theih nan tunlai hian zu dawr hrang hrangah khauh taka dan kenkawh a nih thu leh zu card nei lote chu lei tir phal an nih loh thu a sawi. Excise Department hotute sawi danin, tunah hian Aizawl District-ah zu dawr 23 a awm mek a, tun hma lama Zu card pek chhuah chu computer nen thlunzawm a nih loh avangin mi pakhatin card 40 chuang neite an awm a, sumdawnna atana hmang an awm \hin avangin zu card zawng zawng chu nikum August thla a\ang khan Computer-ah thun \anin, kumin February thla tawp khan thun zawh a ni a, card pakhat aia tam neite chu awlsam taka manchhuah theih a nih t^k avangin chung mite tih thih sak zel an nih thu leh zu card siam turte chu Voter ID keng tura tih an nih thu an sawi. Excise hotute chuan, naktuk a\ang hian District hrang hranga an Department Computer Operator-te chu Aizawlah ko khawmin zu card leh computer thlunzawm dan hi an zirtir dawn tih an sawi a, hei hian Aizawl chauh ni lo, Mizoram hmun danga Card lem awmte pawh a thianfai thei dawn niin an sawi. Sorkar kum liam ta 2017-18 chhunga Sorkar-in Excise Department hnena sum thawkchhuak tura a bituk chu cheng vbch 55 a ni a, hei hi kumin chhungin cheng 65,86,39,718 an thawkchhuak a, Budget an khumna chu cheng 10,86,39,718 a tling a ni.