Zuangtuia NIELIT Center-in Information Technology leh Electronics lama thiamna chher hriam zel chungchang sawihona, Skill Development Awareness vawiin khan an buatsaih.

0
329
views

A hmanpuitu Information & Communication Technology Minister Pu Robert Romawia Royte chuan, IT lamah ram changkang zawkte tih theih ang Mizo te pawhin an tih ve theih thu sawiin Hardware leh Software bakah, Soft Skills leh training \ha te neih tam a pawimawh a ni a ti a, tunlai thiamna mila eizawnna her rem thiam a pawimawh a, thiam bik neiten hnathawh sen loh an hmu a ni a ti.

Lehkhathiam lo leh hna nei lo te chu a bik taka ngaihsak an ngai tih Minister hian a sawi a, hlawhtlinna chu zir san-ah chauh a in nghat lo a ni a ti. Minister hian NIELIT a\anga computer CCC course zirchhuak mitdel mi 11 te hnenah certificate a hlan nghal a ni.

NIELIT Scientist ‘C’ Pu C Zoremsanga chuan, Sorkar hna dilnaah NIELIT Certificate te pawm loh anga mi \henkhatin an sawi chu thu dik lo a nih thu a sawi a, Mizoram Blind Society Advisor Pu Vanlalbuatsaiha’n mitdel ten Josh Software hmanga computer an hman dan a entir a, Labour, Employment, Skill Development & Entrepreneurship Dept Director Pu Lalhmunsanga Hnamte leh NIELIT mithiam ten thu an sawi a ni.