Naktip, Nilainia Independence Day champha vawi 71-na lo thleng tur ram chhung hmundang ruala lawm turin Mizoram hmun hrang hrangah ngawrh taka inbuatsaih a ni.

0
403
views

Mizorama a lawmna inkhawm lian ber Aizawl Lammuala neih tur chu zing dar 9-ah \an a ni ang a, hetah hian Chief Minister, Pu Lal Thanhawla’n hnam puanzar pawtpharhin parade a endik ang a, contingent ten zalenna hnam puanzar chibai an buk a chhanglet ang a, mipuite hnena thuchah a sawi bawk ang. Tun \uma Aizawla Independence Day lawmna neih turah hian contingent 30 an lam dawn a, an zingah hian Tripura Rifle contingent khat an tel dawn a, kumina Independence Day lawmna Mizoram chhung hmun hrang hranga neih tur ho turin Minister te leh MLA te an kal dawn a ni. ZONET chuan Aizawla Independence Day lawmna hi Live-in Zawlbuk Channel-ah a tichhuak dawn a ni.

Aizawla Independence Day lawmnaa lam tur Tripura State Rifles mi 34 te chu vawiin khan Mizoram DGP, Pu Balaji Srivastava chuan Aizawl SP Conference Hall-ah thingpui a in pui a, tun hnai a\anga hmarchhak bial chhunga State hrang hrangah Independence Day leh Republic Day lawmnaa tel tura State hrang hrang Police contingent a inkal thelha an intirh \hin thu te, Tripuraah pawh Aizawl City Police platoon khat tirh an nih thu te a sawi a, \henawm State Police te nen \ha taka thawhho a pawimawh tih a sawi bawk a ni.