Banna a thehluh hmaa thuthar lakhawmtute zawhna chhangin Pu R. Lalzirliana chuan, Cabinet Minister a\anga banna thehlut mah se, Congress Party a\anga a ban loh thu a sawi.

0
766
views

 

Politics chu chawlhsan a tum loh thu a sawi rualin, Siatual District chu tihpuitlin a nih loh chuan Congress Party Ticket-a a din tawh loh tur thu Pu R. Lalzirliana chuan a sawi.

Cabinet Minister a\anga ban chhan ber chu an Party hotuten Saitual District pek an lo tiam tawh, vawiin thlenga tihpuitlin a la nih loh vang niin a sawi.

Pu R. Lalzirliana chuan, ni khat chhung lek pawh Minister nih chu thil thlakhleh awm ni mah se, a mah thlang tlingtu mipuite duhna a tihhlawhtlin theih miau loh avangin thlakhleh theih a ni ta lo niin a sawi.

Pu R. Lalzirliana hian vawiin khan Congress Bhavan-a an party chhung inkhawmah thu a sawi a. An party Disciplinary Action Committee-in insawifiah tura a hriattirna chu chhan tlaka a ngaih loh thu a sawi.

Pu R. Lalzirliana chuan, an hotute duhsaknaa Minuister a nih chhunga midang pawi a sawi palh a nih chuan an hriatthiamna a ngen tih a sawi.