Fakselna 18th September, 2918

0
977
views

Congress Party hian eng vanga an Vice President hi an party a\anga theh chhuah zel duh nge an nih? Tun hma a\ang tawh khan an Vice President-te hi party chhung politics thiam taka kal tirin an per nawlh zel. Hei hian politics \awngkama lal chhungkaw rorelna an tih \hin hi a ti chiang hlein ka hria. An Vice President atanah hian Pu Hawla te chhung lam hnai deuh awm ta se, an per chhuak ve nawlh ang em tih hi ka hre chak tlat a nih chu.
LT Ralte
————

Ruihlo avanga buai sim duhte hi chhungkuain beidawng lova theihtawp chhuahpui a, backup an ngaihnaah tha thlah lova \an an lakpui hi nu leh pa mawhphurna a ni tih hre lova, fate ruihhlovin a tihbuai, sualin a bual ^t tawh hi nu leh pa tam tak hian hmangaihna tak tak nena hrethiam tak chunga enkawl ai chuan anmahni \anpui lova, fate haw tlat nu leh pa hi kan kat nuk mai sia. Nu leh pate u infa ruihhlovin a tihbuai, chhuah duh, mahnia harsa ti tam tak an awm \euh a nia. Pathian laka kan rochan kan fate bak vanramah chhawm luh tur in nei lo a sin.
Kei ruihhlo bawih a\anga chhuah duh, ka pa \awngkam vanga rilru na, beidawng fo \hin hian Fakselna kaltlang hian ka rilrua awm thiam lo takin ka lo sawi ve a ni.

Khatla South tlangval
————

Information & Public Relations Department hian sorkar dan hi engah mah an va ngai love. An IV Grade lak chungchangah dan lovin an ti a, tunah LDC lak turah Typing hi a pawimawh ber a ni a, typing test hi mi 49-in an bei a, tumah an tling lova, dan ang chuan typing hi re-test neih tir tur a ni. Mahse, tunah hian re-test nei lovin, result pawh tichhuak lovin an duhsak zawng interview tura koh an ni a, hei hi sorkar hian enfiah rawh se. Hetianga sorkar dan palzut hi a changtu Minister leh DP&AR te hian action la rawh se.

NO. THUP
————–

Nl. Rebeki’n “Ram hmangaih inti siin, hlemhletnain kan khat, tunge ram riangte hi tungding leh ang” tia thiam tak maia thinlung zawng zawnga a auchhuahpui lai hian keini Zoram mipuite hian party ruihchilhna leh mahni \anghma chauh thlir chung hian em ni kan la kal luih zel dawn le? Kuthnathawktute retheih sawt zia leh \halaite vahvaih nasat zia han hmuh hian lung hi a awi thei lo a ni. Kan \henawm Hindu ram Tripura mahin India rama State hmasawn nihna an chelh theih laiin, keini a leilung zawmpuite hi enga tinge State hnufual ber zinga mi kan nih reng bik le? Eng dang ni hian ka hre lo, kan chhia leh \ha hriatna hmang hian ram hruaitu hi kan thlang mawlh lo a ni. Hawh teh u, mipui sorkar, kalphung thar hi tun din a nih theih nan \angrual ila, Zoram thar i siam ang u.
Mizo Tlangval
————–

Pu Zira hi vannei tura piang a nih duh hmel. Congress-ah kum 10 dawn zet chu lal takin a awm a, tunah MNF-ah lal dinhmun chelh leh theiin a awm leh mek bawk sia, a fing phakar thiam hi ka tia.
Anonymous
—————

NEDP leh SEDP hi politics aiawt chu a ni ngei a. SAWHTHING kg khat cheng 50 aia tlem lo tih pawh hi politics aiawt tho a ni. PARTY tinin sorkar an siama, chu chu kan ti ang an tih hi politics aiawt a ni. Tu aiawtah nge vote a tlak tam dawn tih a ni mai.
The Communist
————–

MLA seat khat chu sawi loh an dinna apianga dahkham chawi tura ka lo rin BJP hian helaia an pu ber hovin kan sorkar dawn an han ti hi chu a nuihzatthlak piah lam a ni. Kristian rama BJP lo nih hi thil zahthlak leh Pathian hre lote tihawm tawkah ka lo ngai mai a sin. Politics hi mifingte atna, anmahni ngei pawhin an awih loh tura an duh duh sawina field emaw an ti a lo nih dawn tak hi. Congress party lal \hutthleng inchuhah pawh khawilai constituency emaw an puh thlu daih mai.
Ramveia
————-

MNF sorkar laia sahuana sazuk talhtu kha kumina Mizoram Assembly inthlanah hian a intarchhuak ve ngam ang em aw? Sazuk a talh kha a rei ta deuh a, mite pawn an theihnghilh ve tawh ang chu maw le. Pu Rama nen han inzui sela mi nuih a za duh hlein ka ring. A hming sawi rik a awm tlat.
No. thup
————

Kan \henawm tlangval ho ve takin hla a phuah ve a, Zoram hmangaihtu mi huaisente tih hla thluk hian. “Zoram hmangaihtu MIDUM hote, Thlangkawr vaiho highway ang khuan in siam ve dawn lo’m ni le? Zoram Highway a chhiat tawh hi. Vai dumte \ang ta che” tiin a lo phuah ve a, a ruih lungpuam apiang lah hian a sa ve ziah lehnghal a. Taka, Pu Zira chu engtin ni zel dawn maw, beng hlei tih takah mi chanchin \ha lam ai hian a chhe lam hriat belh chakin kan tung hru hru hlawm mai zawng a nih si hi maw!
Tlangvala
————–

Tunlai Congress boruak vel hi District pek loh tactic/zut mamna vel mai mai a ni lo maw? Pu Zira hi tling leh ta sela Congress-ah bawk a lut leh mai lo’ng maw?
Thlirtu
—————

Ka pu Zira chu ka va lainat tak em aw. A bial mipuite a hmangaih vangin mualphona a chungah a thlen tak mai le. Kan Lal Isua pawh lei mihringte min hmangaih avangin mualpho taka khenbeh a nih kha. A mualpho man hi MLA tlin leh tlin loh lam ni lovin kan theihnghilh tawh lo ang \hangthar zelte pawhin.
Saitual pa
————–

Reiek tlangdung electric line a chhiat hian Reiek lama thawktute chan lam a chhiat hi chuan an siam \ha rang thei viauva, Aizawl lama thawk ho chan lam a chhiat hi chuan an siam \ha har thei bik viau mai a, \an han la deuh thei se mipui lamte kan va lawm dawn êm. Fakselna kaltlangin ngenna kan han siam a ni e.
Berbera Pu
————–

Lalzirliana chu a lar thar hle mai. Enga tinge a hma kha leh chenah khan a ban mai loh? District an pe dawn lo tihte chu a hre reng si a! Lalzirliana hian game a play vel mai maiah ka ngai.
Carolini pu
—————

Tunah chuan MLA thlan a lo hnai leh ta a, miziate pawh thlak a ngai leh tawh a niang e. Pu ber pawh a thil tihna hrang hrangah a NUI ve leh suk suk ta e.
Lala, Aizawl
—————

Pu Lalzirliana, MNF party-ten an sawm tih hi enga tinge an ngaih pawimawh bik riauna chhan? Pu Zira ngei pawhin kan insawm tawn vek a ti a, inthlang ram kan ni a, MNF mi leh sate pawh Congress-in NLUP hmangin an thlem ve tho kha a ni mai a, a bul ber zawk chu MNF-in District a pek ang mai mai ni lo, District-ah pawh a \ha mi Pu Hawla’n a tiam kha a pe nasa ta lutuk hi Pu Zira hian a zo ta lo nge? Pu Hawla hian Pu Zira awhna tur thang a kam sak ta mai em ni? Nge, chem lova lu lak tir ngawt ai chuan tiin a tlanchhe ta mai zawk?
Tlabung Uitangrual
————–

Court thubuai nei tho Chief Minister hi Pathian hian min pe leh ang em le?
Tlumtea
————–

District thar pek theih loh vanga Pu Zira politics zin kawng kal buai ta hi a pawi hle. Amah pawh a lainatawm hle. Chak duh vanga hetiang lo tiam tawh \hintute an demawm hle. Saitual pawh hi District pek ni ta se a vela khawdang tan ropuina a awm chuang lo. Tunah chuan District awm sa hi a tawk hle. A dang kan mamawh lo.
Duata pu
————–