Fakselna 19th September 2018

0
921
views

Tunhnaia I&PR-a 4th grade hna laknaah khan Department-a officer pakhat fapa kha written ti \ha, interview tura koh dang zawng zawng mark 75 leh a chunglam hmu an nih laia, 62 marks chauh hmu siin koh ve a ni a, a aia ti\ha te a la tlin khalh thei zui hi thil dik lo tak a va nih hmel em! Written-a ti \ha zawk, interview-naa inlehpel tur khawp khawpin interview-naah 4th grade post tih takah thil har engmah inzawh a awm bawk si lo, tling zo ve lo tan tha leh hun leh sum sen thlawn te khan rilru a va ti na dawn em!
Zoram kalsiam vei a
————-

District politics hi Politician-te a\angin emaw, mipuite a\angin emaw tawp tawh se ka va ti em. A chhan chu Zoram hian District aia pawimawh ram leh hnam damna tur hnamdang dapchhuah te, ramri chinfel te, ei leh bara intodelh te leh ruihtheih thil laka then thianghlimte tih hmasak tur a tam lutuk. Chung chu tingam leh mi inpe, a ngaihna hria, mi intellectual ho hi pen chhuak teh u, kan boral chuan inhim bik dawn lo a nia.
Ramveia
————–

Kan ram mamawhte chu ramri veng him ngam, zirtirtu sem rual ngam, thil dik lo titu hrem ngam, kawngpui \ha min pe thei, kawlphetha siam chhuak thei, buha min intodelh tir thei, rampum huap CM leh Minister, chhungte uchuak taka duhsak lo leh adt. I vote kha a hlu a nia aw!
RK Sanga
—————-

Ramveia inti khan Mizorama BJP an sorkar kha i hlau hle a ni maw? Kristian ram tan chuan him lo ang khan i rawn sawi a, Congress pawh an sorkar theih chuan an sorkar thei khawp ang tih lo hre ve mai mai teh.
TLH SIAHA
————-

Congress Party-te inenfiah kan \ul em? Pathian duh loh zawng ZU kan zuar a, Kohhran mangangin Van Pathian an auva, kan Pathian, a huntea lo che \hin chuan tutute emaw thinlungah hna a thawk a niang kan buai ta sung sung mai a nih hi! Pathian nungbia kan inti renga, mahse kan Pathian biak dan kan inenfiah a va \ul em. Politics leh kan sakhuana a hranin kan dah a, politics a nih vanga party induhsakna uchuak tak tak te hi kan Pathian hian a lawm lo a ni thei mai lo maw? Kan MLA te zingah pawh upate pawh in awm nual a, ngun taka inngaihtuah kan va \ul tak em. Heti chuan kan mualpho lutuk dawn e.
Congress pa
————-

Inthlan a lo hnai leh ta a, Congress ho pawhin kum 10 chhung zawnga an thiltih \hat te leh an la tih turte nen lam Zonet Zawlbuka an rawn tarlan kha kan lo hmu a, Pu Hawla leh a family-te hna chanpual bak midangte hna chanpual hmuh tur erawh a awm meuh lo niin a lang. Pu Zira vuina leh a dinhmun turte han ngaihtuahin, mahni buzawl pawh luah ngam tawh lo tur khawpa an siam ta maite hi kan lainat takzet zet a ni. Chutihrualin, keini lam Nihara erawh ‘Neih pawn pawi lo, neih loh pawn pawi lo’ a ti thei zel maite hi a \hat ve-na a ni mai e.
Tlabung Uitangrual
—————

Pachang kan lungawi loh chuan Zoram nghawr nghing dawt law law-in aw Pu Zir, ka ngaisang tawp che. Thupuan chhuah tur tam tak pawh ila nei ang, hlau suh la, zam hek suh, i lamah kawl eng zel rawh se.
RODY PA
————–

Pu Zira hian Congress chhungkuaah \antu leh lainattu tam tak a nei ngei ang. Chutihrualin lo chhuah ve ngawt duh lo an ni fur ang. Kum tawp inthlanah Congress a chak loh chuan Pu Hawla an puh nasa hle ang.
Lalrinfela
————–

Pu Chhunga leh Pu Rawnga khan kum 1971-a UT chungchang an sawi khan tunah Central chuan UT min pek an tum a, i pawm mai teh ang u. State hi chu kan \hian rammu mekte tan i khek ang u an ti a. An lo hmu thiamin ram pawh an lo hmangaih a ni. A hnua merger a nih dawn khan politics kan hriat tirh a\anga inngeih ngai lote party khata kan awm hi ram tan a \ha ang an ti leh a, an thu kan awih a, a lo \ha hle mai.
VL Ruata
—————

Pu Robert Romawia chu MNF Party MP Candidate kha a ni a, tunah MNF-in an lawm lut leh maw? Mak thei ngei!
Duata pu
————–

Kan politician \henkhatte hi chu lal\hutthleng an luah dawn tawh lova an inhriat hi chuan an lo sawichhiat hrep tawhah pawh puanthuah an pulut leh duh nia mawle. An va lak tlak loh tak em.
Jamera pu HNTL
————–

Pu Duha khan remna leh muanna tikhawtlaiah Pu Hawla leh a hote a puh a, MPCC President a\angin a bang a nih kha. Congress party a\angin an hnawtchhuak ta a, Pu Zira pawh HM a\angin a bang a, a bialte tan Congress a\angin an hnawtchhuak ve leh ta a nih hi. An \an dun phei chuan Pu Hawla tan an huphurhawm dun hle ang. MNF nise Pu Zira hian a luak hnu a ei leh a rinawm si loh, an hotupa lah hmeichhe kamtam ang mai a lo ni vei nen, kei chu ka rin zawng a ni lo tawp mai.
ZNT Khiangte
————–

Kan Home Minister hlui chuan ram chhan nana Zophaia nunna thapte aiin Saitual a lo ngai pawimawh zawk a nih chu. Saitual mipui hi politician bawl ^t theih an ni nge ni lo i lo thlir ang.
Tlumtea
————–

Jonathana hi ka va ui tak em, ka IDOL ve a sin mawle.
8974132284
—————-

Chandmari tlangval, Idol Star Jerry hian D Chambawihpui tih ngei mai hi intihsiak lehah chuan han sa se, a scoring-in a va han hit dawn rua em.
Lalringa
————–

Mizo Idol endiktute hian Mizo Idol an hre lo em ni? Idol lar lo tur an thlang leh dawnin ka hre tlat mai. Zaipawl endik se, an inawm tawkin ka hria e. Idol endik tur chuan an fit ka ti lo. Mizo takin Idol kan thlang tling dawn emaw kan lo ti a.
Vala MSV
————–

Tun \um Mizo Idol chu zaithiam/zai \ha ai mahin induhsakna lam rawng a kai deuh tlatin ka hre mai kei chuan. Zai sual khan awmze thui vak a nei lo a nih hmel e. An tling zung zung zel tho mai si a, a zai style thiam thiam an tling zel zawng a nih hi. Mizo Idol-a kan thlan loh ber ber te hi a lar ber an rawn ni chho leh dawn a nih hmel hle mai.
8794242811
—————

Mizo Idol chu ka lo en ve \hin a, mahse an lo sawi fo \hin, Address a pawimawh tih chu a lo lang e. Icon-ah chuan thingtlang lam hi an lang nawlh nawlh a sin le. Han \ang deuh \euh u.
8787534795
—————-

Ticos-a hi Idol ni ngei se ka duh a, a nih ngei pawh ka ring tlat. Ani chauh hi Idol ni tura zai niin ka hria, a chhe lo ka ti em em bawk.
Margaret
—————