Khawvel ram hrang hranga cheng mihringte zinga Iodine tlakchham vanga natna chi hrang hrang thleng thei venna ni, Global IDD Day chu nimin khan Mizorama District hrang hrangah National Iodine Deficency Disorder Control Programme hnuaiah hman ve a ni.

0
447
views

 

Mizorama a hmanna inkhawm lian ber Synod Conference Centre-a neih chu Health & Family Welfare Department Principal Director, Dr. F. Lallianhlira’n a kaihruaia, hetah hian National Iodine Deficency Disorder Control Programme-a State Programme Officer, Dr. Chawngthanchhunga, Iodine tlak chham vanga natna awm thei leh he programme hnuaia hmalak dan a lem nena entirin a a sawifiah a, Iodine chu naute a nu puma a insiam laiin a taksa leh rilru \han \hat nan a pawimawh zual niin a sawi a ni.

Siahaah pawh he ni hi nimin khan New Colony-a Presbyterian English School-ah Siaha District Chief Medical Officer, Dr. Lalparliani hova hman a ni a, hetah hian Dr. Lalparliani chuan khawvel ram hrang hrang zinga 54-ah Iodine tlakchham vanga natna chi hrang hrang a thleng mek niin a sawi a, Iodine tlakchham vanga taksa leh rilru lama harsatna thleng theite zinga a lang sar deuh deuhte chu thluak chak lo, thau lutuk, \hang thei lo, rai laia nau chhiat, nau thi saa piang, bengngawng, awrpuar, leh pangtilumna neilo niin a sawi a, puitlingin nitin iodine a mamawh zat chu microgram 100 a\anga 150 vel niin a sawi a ni.