Arunachal Pradesh-in medical seat pali hloh, Meghalaya-in seat 16 hmuh belh

0
780
views

Arunachal Pradesh-in damdawi lam zirna atana seat a neih pali chu zirlai tlingte hnena pek a nih tawh avangin paih a ni a, Meghalaya seat neih zat erawh chu 26 atangin 42-ah tihpun a ni. Arunachal Pradesh hian nikum khan damdawi lam zirnaah seat 28 a nei a, heng zinga pathum hi NEC hnuaia a hmuh a ni a, tuna seat paih then tak pali zinga pathum hi NEC hnuaia a hmuh tho a ni. Tun thla ni 11 khan Health and Family Welfare Commissioner, Kailng Tayeng-a chuan Union Health Secretary hmuin, Central Pool-a damdawi lam zirna seat an neih chu tihpunsak turin a ngen a, heti chung hian, Thawhtanni khan seat pali paih then a nih thu hi state sorkarin a dawng niin Health Joint Director, Dr R Doye chuan a sawi a ni. Meghalaya chuan kuminah hian seat 16 ngawt a hmuh belh a, hei hi he state-in damdawi lam zirna hmunpui, NEIGRIHMS a neih vang nia ngaih a ni a, he zirna hmunpui atang hian MBBS zirna seat 9 a nei a ni.