Mizoram Legislative Assembly member ni lai, Pu S. Laldingliana chu chaw dawt cancer vangin tukin dar 6:45 khan a thi.

0
869
views

 

Kum 64 mi nia chatuan ram pan ta Pu S. Laldingliana hian a nupui, Pi Lilypari Sailo, fapa pakhat leh tu pathum a kalsan a ni. Pu S. Lalchungnunga leh Pi Dohmingthangi te fa pasarih zinga pahnihna Pu S. Laldingliana hi kum 1954, June ni 21 khan Theiriatah a lo piang a, Delhi University-ah MA thleng a zir zawh hnuin kum 1982 a\ang khan Govt. Lunglei College-ah Lecturer hna thawk a ni. YMA leh khawtlang thilah mi inhmang mi a ni a, Lunglei Chanmari venga YMA hruaitu dinhmun hrang hrang, President hna thlenga a chelh hnu kum 2006 khan Lunglei Sub Hqrs. YMA-ah President atan thlan a ni a, kum 2008 khan thlantlin nawn leh a ni a, Govt. Lunglei College-a Lecturer hna leh Sub Hqrs. YMA President hna a chelh lai hian Congress Party-in an sawm angin kum 2008 Mizoram Assembly inthlannaah khan Lunglei South bialah Congress candidate niin MLA atan thlantlin a ni a, hemi hnua Congress sorkarah khan Parliamentary Secretary niin Health leh Trade & Commerce a enkawl a ni. Kum 2013-a Mizoram Assembly inthlanna neihah pawh khan Lunglei South bial a\ang bawkin Congress ticket-a thlantlin leh a ni a, Lunglei High Power Committee Vice Chairman atan dah a ni a, \hahnemngai takin Lunglei District hmasawn nan kawng hrang hrangin hna a thawk a ni. Pu S. Laldingliana hi vawiin chawhnu khan
Lunglei Chanmari-a a chenna inah Pastor ZD Rodingliana’n thlamuanna thuchah sawiin a vui a, mi \hahnem takin ui takin an thlahliam a ni.

Mizoram Pradesh Congress Committee pawhin Pu S. Laldingliana an ui thu thuchhuah siamin an tarlang a, Parliamentary Secretary a nih chhung leh Lunglei High Powered Committee Vice Chairman a nih chhunga a hnatawh zawng zawng chu mipuiten an theihnghlih dawn tawh lo tih sawiin, a kalsan tak a chhungte Lalpan awmpuiin thlamuan se an duh tih an tarlang bawk.

Mizo National Front
General Headquarters pawhin thuchhuah siamin Pu S. Laldingliana MLA thi chu an ui thu an sawi a, a kalsan tak a nupui fanaute leh a chhungte chu Pathianin thlamuanin awmpui zel se an duh thu an sawi a, an party-in a sunna lehkha an President, Pu Zoramthanga’n a ziah chu chhiar chhuah a ni a, Lunglei MNF Sub Hqrs. hruaitute pawh a vuinaah hian kim takin an kal a ni.