22nd August, 2018

0
479
views

Tun \um inthlan chu ram tana \ha tur lam ngaihtuah aiin mahni party lam a nih chuan \ang kawh em em ringawt mihring kan tam leh dawn mang e. Ram \hanmawhbawk chu hei ngei hi a ni. Ngaihtuahna fim pawh pu ngai lova party ruha ruh tlat \hin ho hi.
8794519384
————

Tunah chuan Assam sorkarin NRC a tichhuak ta bawk a, Mizorama awm vaiho pawhin a dera Kristiana inleh an awlsam tawh khawp mai. Fimkhur a va ngai em. MZP leh YMA \ang fan fan. In hnungah Mizo dik tak kan awm e.
7005099957
————-

Kumin Mizo Idol hi a tir a\anga hmaih miah lovin ka lo en \hin a, an thiam hlawmin kum dang aiin zaithiam an tam hle-in ka hria a. Chutih rualin Judge tena an thlan dan hi chu tlem ka lo ngaimawh ve deuh a. District dangah thiam em em lo tling an awm nual laiin, Aizawl District audition-ah thiam tak tak, District danga mite ai pawha thiam zawk an titla leh nual a, District dang audition an en tam lo ni ngei tur a ni. Aizawla audition neite an vanduai phah ta ka ti lo thei lo. Tin, tuna an thlan chhuah te pawh hi awm tak tak, zaithiam tak tak an ni tawh a, mahse thiam em em, bikna riau nei em em pawh ni lo, parh ve deuh, hmel keu leh harhvang, Hall han \hap \ha thei tur hi thiam dang tam takte aiin an titling leh lawi a. Hei hian contestant dang tlin lo inring ve tak takte rilru a tina \hinin ka hria. Thiam tak leh dangdai takte chu nise eng pawh a la ni a. Idol-ah hian tlem a dangdai deuh thiam em em ni lo an en deuhin ka hria. Hmel leh lawm zawng deuh hi chuan za zela 40 vel mark a puin ka hre bawk a, a zawng zawngah ni lo, tlema zaithiam pangngai chinah hian.

Thlirchiangtu
————

Mizo Idol intihsiak hi ka lo thlir \hin a, zaithiam tak tak inthup hi an va lo tam tak em. Tunlai inti celeb tam tak, engtin tin emaw, vanneih thil a lar viau ho ai hian tuna top 60-a tling ho hi thiam ka ti daih zawk mai.
Anonymous
————-

Kan ram chhunga State pakhat Kerala chuan khuar>l chhiatna tui lian an tuar mek a, mi engemawzatin thihna an tuar bawk. Zoram Kristiante, a bikin Central YMA te chet a va hun ta em! Kan State Governor nilai khua leh tuite an ni si a. Ringtu intiten kan thlir
liam mai mai a rem ta lo. Hawh u, Kristian rilru puin puih ngaite pui turin i pen chhuak ve ang u.
Isaka pu
————–

Mizoramah Miss kan thlang leh dawn a nih chuan thurawn pakhat ka nei a, chu chu hmel\ha leh piannalh, fing leh fel piah lamah Mizo \awng bak, Sap \awnga thiam taka \awng thei hi an qualification pakhat a ni. Mizoram piah lamah kal a ngai ta fo si a, heta interview in neih pawh hian Sap \awnga interview te hi neih tir a \ha-in tih ngei ngei turah ka ngai. |awng dang thiam lo chuan mahni inkiltawihna an nei ngei dawn bawk si.
Thlirtu
————-

Mizo Idol Judge-te in judgement hi uluk takin ka lo chik ve \hin a, in uluk deuh chu a ngai dawn hle mai. Tunah pawh 3rd round-a intihtlin t^k loh zing ami, zaithiam tak tak te hi an uiawm ka ti khawp mai.
Tuna in hlan kai tam takte aia zaithiam fe fe an niin, anmahniah pawh talent nei tak tak an niin ka hmu e kei hian. A bikin Ramdintluanga Mamit District ami phei kha chu ka ui khawp mai.
In hlan kai tam takte nen khan han khaikhin leh chhin teh u.

Aizawl pa
————

Mamit District constituency pathum Hachhek, Dampa leh Mamitah te hian Congress-in lalna an chang vek a. Mahse, kawng nei chhe ber an ni reng. BPL lah chu sang 8 chuang an la awm nia. Mamit ka kal hmasak bera kawng chhia ka tih zia kha aw! A khawi lai mah khu \ha a awm reng reng lo. Sorkar lah hian thawm \hat a tum der si lo. Tuna kawng zau tak an laih mekte khu Mizoram sorkar tih emaw in lo ti a nge, Central lam tih a nih khu. Mipuite harh ava hun tawh em. MLA hausa neiha kawng chhe deuh neih reng chu a inmawi lo em mai.

DINGTEA KHIANGTE
————–

Vote thlak hi kan tih ngei ngei tur a ni tih leh ringawt mai. Mi dik lo \hinte an rawn incandidate a, lo vote leh ringawt chu a fuh dawn emawni le? Ram hmasawnna a \huan\hu \hin si a.
LB-a pa
————-

Kum 2018 Assembly Election-ah chuan Mizoramah kalphung thar hmanga MIPUI SORKAR, hnam damna tling din tumin pawl 5 chuan ZPM |angrual Pawl an din a, ZPM hian candidate siamna turin kum 2013 election result hi hmang \angkai ngei sela an tihfuh a rinawm. MPC leh ZNP-te hian an dinna biala vote 4,000 leh a aia tam an hmuhna hi chang ngei sela. Tichuan, MPC-in bial 4, ZNP-in bial 8. ZNP candidate pakhat bial hnihah an ding a, candidate pakhatin party dang a zawm bawk si avangin ZNP chuan bial 8 ni lovin bial 6-ah candidate nei ta sela. Hetiang zulzui deuha candidate an siam loha an tum anga hnehtu an nih si loh chuan a sawp chu nasa tak a ni ngei ang.
Vena Pu
————

Nizan 21.8.18 ZONET chanchin thar kan nghak a, Fakselna a lo chhuak daih mai a, Zawlbuk Programme hi intidanglam ta em ni? Eng nge a awmzia le?
9436147113
————-

Kan ramin a mamawh ber chu mipui \ha a ni phawt mai. Sorkar lama tel tum hrim hrim mipui kan nih chhung chuan sorkar \ha kan nei ngai lo ang. Sorkar \ha lo tak thlangtlingtu a tel hi hlau \heuh ila chuan sorkar \ha kan nei zel anga, PUTAR buluk tak CM chu kan nei nawn fo lo anga, inthlan dawn apianga buha intodelh tum sorkar hnua engmah ti leh tak tak si lo CM chu kan neih nawn ka ring lo.
Chawnghlut val
————-