Yemen President hlui Ali Abdullah Saleh thi

0
489
views

Kum 33 chhung, Yemen President lo ni tawh, Ali Abdullah Saleh chu nimin khan Shiite Muslim hel pawl, Houthi tia hriatten an kap hlum. Hel pawlte hian kar hmasa a\ang khan an ram khawpui Sana’a-ah beihpui an thlak a, Pathianni khan khawpui hmun tam zawk an awp a, Saudi Arabia kaihhruai \angrual pawl indo thlawhnaten an beih let hneh loh avangin, Saleh-a leh a thurualpui-te chenna in pawh beih a ni a, a thih thu hi a awmna party, General People’s Congress pawhin a nemnghet tawh a, amah leh an party mi pawimawh dangte chuanna motor inzui chu Houthi hel pawlte hian rocket hmangin an bei niin an sawi. Saleh a thih avang hian Yemen tualchhung buaina hi a reh mai a rinawm loh hle tawh a, Houthi te nena an \an dun lai chuan Yemen sorkar sipai leh Gulf biala Arab ram intel khawm sipai-te pawh do let thei tura ngaih an ni a, Saleh hian Houthi nena an inzawmna chu tichatin, Saudi Arabia chu inremna ziahpui a tum nia hriat a ni a, thah a nih takah chuan amah thlawptuten phuba lak an tum rin a nih b^kah, anmahni bei tura thawk chhuak \hin, Saudi Arabia \angrual pawl nen pawh an thawh dun leh mai rin a ni bawk.

Yemen ram dinhmun hi a khirh hle a, an President pawh ram dangah a tlanchhia a, President Abedrabbo Mansour Hadi chuan President hlui thah a nih hnuah hian an sipaite chu Sanaa-ah beihpui thlak turin thu a pe a, Yemen ram mipuite chu Iran-in a thlawp, Houthi hel ho, Ali Abdullah Saleh-a thattute bei l>t tura \angrual turin a chah a ni. Saleh-a fapa, Salah-a chuan a pa phuba a l^k hma loh chuan tuarpuina pawh a dawnsawn loh tur thu a puang a, tun hmaa an thawhpui \hin, Shia hel ho, Houthi an tihte bei tura \angrual turin a pa zuitute chu a fuih b^kah, hemi kawngah hian aman hma a hruai tur thu a sawi a ni.