A party mi leh sa \hehnem tak inhnamhnawiha puhna sum tih chingpen thubuai CBI ten chhui an tum avangin Mamata Banerjee chuan lungawi lohna a lantir mek a, central sorkar chuan Supreme Court thupek dodal tumah a puh let.

0
724
views

Supreme court thupek anga he thubuai chhui tura CBI te hmalakna ah nimin tlai khan CBI mi leh sa te chu Kolkata ah hian man an ni a, Kolkata Police hotulu Rajeev Kumar chu CBI te hian thu zawhfiah an tum a ni. West Bengal Chief Minsiter Mamata Banerjee chuan central sorkar thu dik lo taka politics hmanga phuba lak tumah puhin, lungawi lohna a lantir nghal a, a hmalakna chu ram danpui humhimna tur niin a sawi. Home Minister Rajnath Singh chuan vawiin parliament inkhawmah CBI officer ten man an tawk chu West Bengal-a dan leh thupek kenkawhna tlak chhiat dan tilangtu a ni a ti. Parliament inthlanpui hnai tawh takah he buaina hian ngaihven a hlawh hle a, eptu party hruaitu dang Rahul Gandhi, Chandrababu Naidu, Arvind Kejriwal leh Tejashwi Yadav te chuan Mamata Banerjee hi an thlawp thu an sawi ve nghal a ni.

CBI te hian Saradha and Rose Valley hnuaia sum tih chingpenna lian tham tak awm nia sawi chu chhui an tum a, finfiahna lehkhapawimawh \henkhat chin hriat lova a bo thuah Kolkata Police Commissioner hi thu zawhfiah an tum a ni. He thubuaiah hian Mamata Banerjee-i kaihhruai West Bengal-a rorellai party Trinamool Congress party hruaitu \hanem takin man an tawk tawh a ni.