Aadhaar Card hmang duhlote kal khawm, Mizo Against Biometric Enrolment pawl din

0
1229
views

Mizoram sorkar hnuaia thawk mek, chawl tawh leh mi dang \henkhat, Aadhar Card hmang duh lote chu Bawngkawn YMA Hall-ah an kal khawm a, Mizo Against Bio Metric Enrolment pawl an din. An pawl hruaitute hnen atanga ZONET thu dawn danin Mizoram sorkar hnuaia thawk mek leh chawl tawh, Aadhar Card hman duh lote chu nimin khan an inhmu khawm tawh a, Mizo Against Bio Metric Enrolment pawl hi dinin, hruaitu tur pawh an inruat fel nghal a. Vawiin khan mipui zinga Aadhar Card hman duh lo mi \henkhat chu an inhmuhkhawmna hian telin, Aadhar Card chu Kristian sakhaw inzirtirna nena a inkalh dan leh Pathian thute an ngaithla ho a ni. Aadhar Card duh lo pawl hruaitute chuan, an pawl kal zel dan tur chu committee-in a la ngaihtuah \ha dawn niin an sawi a, an inhmuh khawmna hi naktukah pawh chhunzawm a nih tur thu an sawi.

Puan tawh angin, Mizoram sorkar hnuaia thawk mek leh chawl tawh, Aadhar Card hman duh lote hi October ni 19 khan an lo inhmu khawm tawh a, sorkar chu Bank hmang lova pawisafaia an hlawh pe turin September ni 21 khan an lo ngen tawh thu an sawi b^kah, Aadhar card chu Bank Account nena thlun zawm a nih chuan an Bank Account chu duh duh huna tihchingpen theih a ni dawn nia an hriat thute an lo sawi tawh a ni.