Active Sound buatsaih SEKI Inter Village Band Contest neih mekah Electric Veng, Lunglei Lunglawn, Mission Veng, Ramhlun South I leh Ramthar te top 5-ah an inhlangkai a, naktuk zan dar 7 ah Vanapa Hall ah an intihsiak chhunzawm ang.

0
530
views

Under 19 semi final intihsiakna pawh naktuk zanah hian neih a ni dawn bawk a, hetah hian Bethlehem, Chanmari West, Chhinga Veng, Dinthar, Khatla East, Ramthar Veng, Serchhip leh Siaha te an inel dawn a ni. A hmuna en duhte tan Entry fee lak a ni dawn a, heta sum hmuh zawng zawng hi Zuangtuia TNT Camp \anpuina atan pek tur a ni. Ticket hi a hmunah lei tur a awm dawn a ni. Top 5 intihsiakna hi Zonet chuan Rimawi, HD leh youtube channel-ah te Live-in a pechhuak ang.

Tun thla ni 5-a Audition Round paltlangten Zirtawpni zan khan 2nd Round Open Category Top 10 intihsiakna an hmachhawn a, he round ah hian Bethlehem Vengthlang, Chhinga Veng, Dinthar Veng, Electric Veng, Lunglei Lunglawn, Mission Veng, Ramhlun South I, Ramhlun South II, Ramhlun Sports Complex leh Ramthar Veng te an intihsiak a ni.