Addhaar Number leh Phone, Passport leh Bank Account thlunzawm vek tura hun bituk chu Supreme Court in tiam chin awm lovin a sawn hla

0
342
views

Addhaar Number leh Phone, Passport leh Bank Account thlunzawm vek tura hun bituk chu Supreme Court in tiam chin awm lovin a sawn hla. Hetihrual hian Aadhaar hi Direct Benefit Transfer DBT, Eirawngbawlna Gas subsidy leh subsidy dang dawn theihna shcme dangte nen chuan thlunzawm tur a ni tih Supreme Court hian a sawi thung. Mimal thil leh sorkar thil \henkhat nena Aadhaar thlunzawm hi right to privacy kalh a ni em tih chu la ngaihtuah nawn leh tur a ni a, tun dinhmunah chuan Bank Account, Phone leh Passport te Aadhaar nena thlunzawm erawh a ngai rih lo tihna a ni. Sorkar chuan March ni 31 hi Aadhaar Card number nena service chi hrang hrang thlunzawm theih ni hnuhnung berah a lo ruat tawh a, Bank hrang hrangte pawhin Aaadhar nena thlunzawm anih loh chuan Bank account te tih hlum anih tur thu SMS an thawn chhuak nasa hle a, tuna Supreme Court-in thutlukna a siam takah hi chuan March ni 31 a thlunzawm hman lo te tan pawh buaina tur a awm ta rih lo a ni. Hetihlai hian Bank Account hawng thar tur leh Tatkal Passports siam thar turte tan erawh Aadhaar hi a \ul thung.