Chetsualna thlen hun hi chawhma lam dar 11:50 ah a ni a, Bengaluru Yelaahanka airbase chunga nunchan an zir laiin thlawhna hi an insu palh a ni. Pilot pahnih an thih bakah hian pilot dang pahnih chu him takin an in vawrh chhuak hman a, hliam an tawrh avangin sipai damdawiin ah enkawl nghal an ni. Video thlalak a\anga a lan danin Hawk Jet pahnihte hi van boruakah thunun theih lohin an vir buai a, an insu zui ta a ni.
Defence Minister Nirmala Sitharaman-i chu Bengaluru ah hian a awm lai a ni a, Yalahanka airbase hi a pan nghal a ni. Aero India 2019 hi february ni 20 a\anga 24 chhunga neih tur a ni a, heta an thiam thil an entir tur an zir laiin chetsualna hi a thleng ta a ni.
