Result lailawkah hian eptu candidate Felix Tshisekedi chu chak angin a lang a, rorellai pawlte erawh chuan hei hi an pawm lo thung a, Martin Fayulu thlawptute chuan Tshisekedi hian president kalchhuak ta Joseph Kabila nen thuneihna insem turin inremna a siam lawk niin an sawi a, Tshisekedi pawlte chuan hei hi an pha thung.
Inthlan result khinna hi Constitutional Court chuan ni rei lo teah ngaihtuahin thutlukna a siam dawn a, hetihlai hian African Union hruaitute chu Ethiopian khawpui Addis Ababa ah inhmukhawmin December ni 30-a vote tla te chu rinhlelhawm tak nia an hriat thu an puang a ni.
