Agartala AIR leh DDK pisa kawtah CPI-M ten lungawilohna lantir

0
702
views

Tripura-a rorel lai pawl, CPI-M-in vawiin khan state CM, Manik Sarkar-a thusawi, Prasar Bharati-in a thup then nia sawi chungchangah Agartala-a All India Radio leh Doordarshan Kendra kawtah lungawi lohna an lantir a, BJP kaihhruai, sorkar laipui chu Prasar Bharati thunun-ah puhin, kum 1975-a Pi Indira Gandhi-i’n ram puma Emergency a puan ang kha a thleng leh dawn niin an sawi. Puan tawh angin, ram zalenna ni champha-a chhuah atana Pu Manik Sarkar-a thusawi, record fel diam tawh chu Prasar Bharati hian a paih then nia sawi a ni a, Agartala AIR leh DDK hotute chuan, CM thusawi thenkhat chu ram zalenna ni champhaa tihchhuah atana tha tawk lo nia an hriat avangin siam tha leh turin CM chu an ngen a, an ngenna hi CM hian a hnawl avangin a thusawi pawh hi a nih ang angin an chhuah ta niin an sawi thung a ni. Kum 19 chhung, Tripura CM lo ni tawh, Pu Manik Sarkar-a chuan Prasar Bharati chu thuneihna tawp neia inngai, mi dang rah beh tum nia a hriat thu leh BJP kaihhruai vek nia a hriat thu a sawi a ni.