He fair-ah hian damdawi lam chi leitih\hatna hlo leh tur lam chi rannung thahna hlo hmang lova thlai thar chhuah mipuite hmuh turin pho chhuan a ni.He Organic Fair hi Paramparagat Krishi Vikas Yojana Scheme hnuaia neih a ni. He scheme in a tum ber chu buh leh thlai thar chhuah nana damdawi lam chi leitih\hatna hlo leh rannung thahna hlo hman loh a nia, Fertilizer aiah hnim \awih a\anga leitih\hatna hlo siam chhuah hman leh ran ek hmang a buh leh thlai chin inzirtir a nia, hemi rual hian a eichhetu ran nung laka buh leh thlai ven nan tur tello, thil dang hman inzirtir a ni bawk.Serchhip District-ah hian Paramparagat Krishi Vikas Yojana (PKVY) kum 2015-2016 a\ang khan hman \an a nia, a hmanna te chu North Vanlaiphai rama Chhirbi zau, Mualcheng rama Varhva zau leh Chekkawn-ah te lo neitu 150 thlan chhuakin hmantir an nia, loneitu pakhat zelin Ram Acre 1 a he Scheme hniaia hmalaknaah hian Buh, chana leh tel an\am an ching a ni. He hi Organic hmanga buh leh thlai chin uar tura mipuite fuihna leh zirtirna a ni.
