Agriculture Minister, Pu C.Lalrinsanga hovin an Department hotute leh North-East Consultancy Services (NECS) aiawhten Tuikual South-a Agriculture Directorate Building dinna hmuna Agriculture Growth Centre sak dan tur an sawi ho.

0
164
views

He sawi honaah hian a sa tura thlan NECS aiawhten Building Plant leh Design an siam dan hrang hrang Minister chu an hrilhfiah a, ruahman dan chuan Agriculture Growth Centre hi mizopa chhiara chhawng 6-a sanga sak tur niin, a building zau zawng chu sq. metre 12458.03 a ni dawn a. Agriculture Directorate office bakah Exhibition Hall pahnih, Food Court, thlai thar zawrhna, Motor parking four wheeler 140 leh two-wheeler 110 dah theihna te a awm dawn a, Cold Storage, Conference Hall bakah passenger leh Car lift te pawh dah tur a ni.

Agriculture Growth Centre hi NEDP sum Rs. vbch 45 leh nuai 55 senga sak tura ruahman niin, a sa tur hian North-East Consultancy Services thlan a ni a, hemi atan hian Mizoram sorkar chuan Agriculture Department kutah Rs. vbch 20 leh nuai 55 a hlan tawh a. Tunah hian AMC-ah a sak phalna dil mek a ni a, phalna hmuh anih veleh sa \an thei tura ruahmanna peihfel ani tawh a ni.