Agriculture Minister, Pu C. Lalrinsanga’n Agriculture Department Officer-te chu ram leh hnam tana \ha tur a nih chuan Minister thu pawh nise hnial ngam turin a hrilh.

0
253
views

He thu hi vawiina Agriculture Directorate Conference Hall-a an Department Officer-te nen chak zawka hmalak dan tur an sawi honaah sawiin, Pu C. Lalrinsanga chuan, Politician-te chu inthlak kual reng an nih avangin Department enkawl tak taktu chu a hmuna \hu Officer-te an ni a, an hnathawh chiat \hatah pawh mawh an phurh avangin ram leh hnam tana \ha tur zawk thilah chuan Minister thu pawh ni se, hnial a, finchhuah ngam turin a chah a ni.

Agriculture Minister chuan, an Department hnathawh ber chu loneituten hlawhtlinna an chan a, hlawk zawka thlai an thar theih na tur leh intodelh tura \anlak a ni tih hre turin Agriculture Department Officer-te chu a chah a. Pu C. Lalrinsanga chuan, kum 18 kalta khan Agriculture Department chu a lo enkawl tawh \hin thu leh an hmalaknaah hmasawnna hmuh tur tam tak awm bawk mah se, an hnathawh hlawhtlinna tak tak hmuh tur a tam tawk lo chu pawi a tih thu a sawi a. Tun aia nasa zawka hmasawn tura theihtawp an chhuah a \ul tih chu a ngaihdan a nih thu leh mipui, mahnia hmasawn ngaihna hre lote ti-hmasawn a, loneitute thlai thar chhuah tihpun a, ei leh bara Mizoram a intodelh theih nana hmalak chu an mawhphurhna a ni tih hre turin a chah a ni.

Mizorama buh leh bal thar theihna hmun \ha tak tak awmte chu \angkai lehzuala hman a ngai tih sawiin, Agriculture Minister chuan, chumi tihlawhtling tura an mamawhte pawh tihpuitlin zel a ngai a, Department chhunga hna an thawhnaah pawh mahni chanpual a nih loh vanga thil ngaihthah awm thei ang chite pawh pumpelh a \ul tih a sawi.

He inkhawm hi Agriculture Director (Crop Husbandary), Pu Rohmingthanga Colney-in a kaihruai a, District hrang hranga DAO-ten Project hrang hrang an kalpui mekte an sawifiah a. Hmasawnna tura thil pawimawh dangte an sawi ho nghal bawk. Agriculture Department-ah hian Sanction Post 608 zinga 214 chu hnawh khah lohin a awm mek a. Tunah hian District 8-ah DAO an awm vek bakah Sub Division 13, Circle 52 leh Sub Circle 5 a awm mek a, Custom Hiring Centre kaltlangin hnathawmtu inzawmkhawm pawl 101 hnenah Tractor leh hnathawhna hmanrua pek an ni tawh a, tunah hian pawl 27 hnenah pe tura ruahmanna kalpui mek niin, Custom Hiring Centre hnuaiah Mizoram chu ram puma hnathawk \ha ber zinga mi a ni.