A sem chhuahna puala inkhawm tawi Sihhmui-a neihah hian Pu C. Lalrinsanga chuan, buh-a intodelh turin tun aia tam tharchhuah a ngai a, chumi tur chuan nasa lehzuala \anlak a ni dawn tih a sawi. Buh-a Mizoram a intodelh loh vanga sorkar-in buhfai lei nana sum tam tak a hmanral \hin chu a uihawm a, hei hi tihtawp a nih theih nan \anlak a ni dawn a, Mizo leilet, buh tam tak thar chhuak theite chu vai kuta dah tawh lovin Mizo ngeiin an enkawl a, chuta an buh tharte chu a hmuna leisakin an awmna huam chhungah vek semral dan kawng zawn mek a nih thu a sawi. Pu C. Lalrinsanga chuan, intodelh tura \an an lakna turah kuthnathawktute chu an pawimawh ber dawn tih sawiin, mi tinte chu mahni intodelh an tum \heuh chuan Mizoram a intodelh dawn tihna ani a, tuna an hnathawhna tur hmanrua an sem pawh mimal thila hmang mai lova, an tharchhuah titam thei tura hman \angkai ngei tum turin a chah a ni.
Leilehna leh buh sengna khawl semchhuah hi Leilet zau hrang hrang hmun 27-a chhungkaw 570-iin an chhawr \angkai dawn a, heng mite hian leilet Hectare 970-a zau an enkawl dawn a ni. Heng khawl lei nan hian sorkar laipui a\anga sum hmuh leh State sorkar tum Rs. nuai 265.50 sen a ni. He inkhawm hi Agriculture Director, Pu Rohmingthanga Colney-in a kahruai a, MLA pahnih Pu Ramthanmawia leh Dr. ZR. Thiamsanga te pawhin an hmanpui a ni.
