Agriculture Minister, Pu C. Lalrinsanga’n nikum sorkar kum, 2017-18 chhung khan Mizoramin buhfai Matric Tonne 59,605.6 a tharchhuak tih a sawi.

0
361
views

Assembly Budget Session-a zawhna chhanga he thu hi sawiin, Pu C. Lalrinsanga chuan Agriculture Department-in Mizoram zirchianna, Land Survey Data a neih loh avangin Mizoram puma buh thar theihna zau zawng hriat theih mai a nih loh thu a sawi a. Hetihrual hian, Mizoram Remote Sensing Application Centre (MIRSAC)-in a zirchianna a\angin Mizoram pumah leilet atana siam theih ram Hectare 74,644 a awm a, heta \ang hian Hectare 17,000 buh leh thlai chin nan siam tawh a ni a, hei bakah hian kumtin tlangram lo neih \hin a ni bawk a, heng a\anga kum tina buh thar chu Matric Tonne 60,000 vel a tling \hin a, kum 2016-17 chung khan buh Matric Tonne 61,516 thar a ni a, 2015-16 chhungin Matric Tonne 62,089 thar a ni bawk.