MNF Party office Mizo Hnam Run inkhawmah thu sawiin Pu C Lalrinsanga hian chemical fertilizer hmanga thlai thar chhuah aiin Organic hmanga thar chhuah chu nasa takin mipuiin an duh zawk a, state danga mi hausaten an lei huai ngam a, a hralhna kawngah harsatna a awm lo tih a sawi.
Pu C Lalrinsanga hian, MNF sorkar hmasain a dan a lo siam tawh, Organic Act chu sorkarin hmanzui a tum tih a sawi a, Bio-fertilizer siam chhuah kawngah pawh sorkarin \an a la a, Lengpuiah Biological Control Laboratory din turin hmalak a nih thu leh Mizoram leilung ami ngei Bacteria chikhat hmanga lei tih\hatna siam tum anih thu a sawi.
Pu C.Lalrinsanga hian, lo neituten an thawhrah engengemaw vanga a chhiat palh pawha an tawrh lutuk loh nan “Crop Insurance sorkarin a buaipui tih a sawi bawk a, Pradhan Mantri Fasal Bima Yojana Crop Insurance (PMFBY) scheme hmangin fur laia thlai a chhiat palh pawhin a rulhsak theitu tur Empanelled Insurance Company leh Firm-te nen pawh hma lak zel a ni dawn tih a sawi.
