Minister hian Durtlang, Durtlang Leitan leh Sihphir rama pangang puang mekin thlai a eichhiatna hmun tlawhin, thil awm dan a enfiah a. Amah \awiawmtu Agriculture Department leh Plant Protection Quarantine & Storage hnuaia Central Integrated Pest Management Centres hotute chu pangang suat kawnga chak zawka hmalak dan tur leh pangang puang vanga thlai chhe zel tur ven theih dan tur Minister hian a sawipui nghal a ni.
Pangangin kuthnathawktute thlai a khawih dan chu a nasa hle tih sawiin, Pu C. Lalrinsanga chuan, he thil avang hian kuthnathawktuten harsatna nasa zawk an tawh loh nan Department chuan theihtawp chhuahin hma ala nghal a ni, a ti a. Pangang puang mek chungchang hi Sorkar laipui lamah pawh thlen a ni tawh a, he thil hi thil namai anih loh avangin sorkar laipui kaihhruaina hnuaiah Department chuan hma a la chho mek a ni, a ti.
Pu C. Lalrinsanga chuan, loneitute tawrhna chu duh vang reng a thleng a ni lo tih sawiin, a do kawngah mipuite an \an ho a \ul takzet a ni, a ti a. He pangang hian thlai 80 a ei theih avangin hmalak zel dan tur hriatthiam a har a, a inthlah pun zel loh nana \anlak chu thil \ul hmasa a ni, a ti.
Agriculture Director, Pu Rohmingthanga pawhin, pangang hian Mizoram puma vaimim chinna Hectare 2,025 a tichhe tawh tih a sawi.
Mizorama Pangang puang mek chungchang hi Bangalore-a National Bureau of Agriculture Insect Reasearch, Ludhiana-a Indian Institute of Maize Research leh Delhi-a National Centre for Integrates Pest Managment-a mithiamten tun thla ni 15 hian an rawn enfiah dawn a ni.
