AIADMK MLA 135 ten TN CM Edappadi K Palaniswami an thlawp

0
442
views

Tamil Nadu CM, Edappadi K Palaniswami chuan a kaihhruai sorkar chu AIADMK MLA 135-in an thlawp vek a, rilru dang pu an awm lo niin nimin khan a sawi a, Erode a panna kawnga Coimbatore-a thuthar lakhawmtute a kawmnaah he thu hi sawiin, an party MLA te a koh khawmnaah 111 chauh an tel nia sawi chu a sorkar a derthawng tihna a ni lo tih a sawi. Palaniswami chuan, MLA te lak khawmnaah hian chhan hrang hrang avanga tel thei ta lo chu an awm ngei tih sawiin, hei hi a kaihhruai sorkar an dodal vang emaw, rilru dang an put vang emaw a ni lo niin a sawi. Puan tawh angin, AIADMK chhungkua hi an lungrual lo nia sawi a tam hle a, an MLA engemawzatin Pu Palaniswami hi an ring lo nia sawi a ni.