Aircel leh Maxis thubuai – Chidambaram te pafa CBI-in thu zawh fiah atan ko

0
348
views

Aircel leh Maxis company indawrnaa thil dik lo nia sawi chhuina kal zelah, CBI chuan Union Minister hlui, P Chidambarama fapa, Karti Chidambaram-a chu thla leh ni 4-ah thu zawh fiah atan a ko dawn a, Karti-a hi tun thla ni 14 khan CBI hian a lo ko tawh a, mahse special court-in thubuai hi kalsan tawh tih leh he thila inhnamhnawiha puhte chu a chhuahtir vek tawh an ni tih sawiin, a inlan duh lo a, CBI chuan thubuai hi bawhzui a la ni reng tiin a chhang a, inhnamhnawiha puh, mi 8 zinga mi 4 chauh court-in a chhuahtir niin a sawi a ni. CBI hian Karti-a hi kum 2006-a Union Finance Minister a nih laia Pu P Chidambaram-a’n Aircel leh Maxis company indawrnaa phalna a pek chungchang zawhfiah an tum nia sawi a ni.