Aizawl Bawrhsap Office leh Save Chite Lui Coordination Committee tangkawp bultumin vawiin khan Aizawl College leh Aizawl North College NSS Unit-ten hnatlangpui nei

0
595
views

Aizawl Bawrhsap Office leh Save Chite Lui Coordination Committee tangkawp bultumin vawiin khan Aizawl College leh Aizawl North College NSS Unit-ten hnatlangpui an nei. Hnatlanga thawk chhuakte hian Chite lui fintu Chanmari lui leh Mirawng lui a bawlhlawhte an thian fai a. Hnatlang tan hmaa inkhawm tawi neihah Bawrhsap Dr. A. Muthamma chuan, Chite lui chu ramdang khawpui lui dangte ang bawka tihbawlhlawh a nih thu a sawi a, hetihrual hian mithahnem ngaite hmalakna avangin Chite lui chu a thianghlim chho leh ta mek a ni a ti a, Chite luiin ngai a awh leh theih nan mipui te tanrual a tul thu te leh tuna thalaite hmalakna chuan rah tha a chhuah ngei a beisei thu te a sawi. NSS Volunteer hnatlanga te hi mi 150 vel an ni a, Chite lui tifai hian Higher Secondary School hrang hranga NSS Volunteer-te pawh an lo hnatlang tawh a ni.