Aizawl Dawrpui Vengthar atanga Dinthar lama kual luhna motor kawngpui rawt hniam-a tih zauh dan tur enho

0
1031
views

Aizawl Dawrpui Vengthar atanga Dinthar lama kual luhna motor kawngpui rawt hniam-a tih zauh dan tur tukin khan Work Coordination Committee on Junction Improvement Convener, PHE Department SE Pu Lalrothanga hovin a kaihhnawih Dept hotuten an enho. Kawng siam dan tur entute hi PWD, P&E, PHE leh UD&PA aiawh te bakah Dinthar leh Dawrpui Vengthar Local Council hruaitute leh Aizawl W-II Congress Block Hruaitute bakah kawng tih zauh tum huam chhunga in leh lo neitu te an ni a. Work Coordination on Junction Improvement member te chuan hei Junction Improvement atan hian UD&PA sum hman a nih thu an sawi a. He kawng rawt hniama zauh tur hi Aizawl tlak lam a awm te tan tangkai hle tura ngaih a ni a, tih zauh a nih hnu chuan traffic jam thin pawh ziaawm thei tura beisei anih bakah lirthei khalhtu leh kea kal te tan pawh him zawk tura beisei a ni. Tukina kawng laih that dan tur entute zinga tel ve MPYCC President
Dr Lalmalsawma chuan kawng siamna tur ngaihtuahtu UD&PA Minister Pu Zodintluanga chungah an lawm hle tih a sawi a, Vaivakawn Traffic Point tih zauh hna te, Vaivakawn atanga Kanan panna kawng pengthuam laih zauh hna te, Vaivakawn atanga Hunthar panna kawng pengthuam laih zauh hna thawh mekte chu khawpui tih hmasawnna pawimawh tak a ni a ti.