Zonet thudawn danin, tun thla ni 21 thleng Roll-a inthun, siam\hat, paih ngai leh insawn duh tan mahni awmna vanga BLO-te hnenah dilna thlen theih a ni a. Vawiina Voter Registration Camp-ah hian kum 2000 January ni 1 leh a hmalama piang, Roll-a la chuang lote hnenah Roll-a inthun dilna form pek a ni a, kumin hi Mizoramin Assembly inthlanpui a hmachhawn kum a nih avangin Roll-a chuang thei, la chuang lote chu inthun vek tura ngen a ni.
Voter Registration Camp neih a nih rual hian Vote thlak tura intiamna, Signature Campaign pawh buatsaih nghal a ni a. Hetah hian vote thlak ngei tura intiam ten hming an ziak a ni.
