Aizawl District Agricultural Technology Management Agency (ATMA)-in vawiin khan Phullenah huan enkawltute tan rannung thahna hlo hman dan inzirtirna an buatsaih a, Agri Clinic neih nghal a ni.

0
371
views

A hmanpuitu Agriculture Minister, Pu. K.S. Thanga chuan, Sorkar-in kuthnathawktute hmasawn nan nasa takin hma a la tih sawiin, an dinhmun dawm kan nana NLUP leh NEDP a kalpui pawh a hlawhtlinna an hmu mek a. Chung Sorkar hmalakna hrang hrang chu thlah thlam mai an tum lova, NLUP leh NEDP hmanga bultan leh a hlawhtlinna hmuh mekte chu tlo leh hrisel zawk a kuthnathawktuten an neih zel theih nan mithiamte hmanga enkawl zuipui chu Sorkar-in a tum tih a sawi. Pu. K.S. Thanga chuan, hlawk zawka thlai enkawl a nih theih nana damdawi leh Pesticide hman chu thil pawi a ni lo tih sawiin, hetihrual hian hman dik loh chuan a \hat loh theih avangin uluk leh dik tak a hman erawh a \ul tih hriat a ngai a ni, a ti.

He inkhawm hi Aizawl District ATMA Project Director, Pu. R. Lalnunzira’n a kaihruai a, Phullen, Thanglailung, Phuaibuang leh Zawngin a\angin loneitu mi 266 an tel a. Kuthnathawktute zawhna hrang hrang chu Department mithiam ten an hrilhfiah zel a ni.