Aizawl District Election Officer bultumin vawiin khan Political Party aiawh, tlawmngai pawl leh zirlaiten Electronic Voting Machine leh VVPAT nihphung an zirho.

0
222
views

 

EVM leh VVPAT nihphung sawifiahtu Jt Chief Electoral Officer Pu Zorammuana chuan, EVM chu Bangalore-a Bharat Electronic leh Hyderabad-a Electronic Corporation Of India te siam a nih thu a sawi a, kumin Assembly inthlanah Polling Station zawng zawngah hman a ni dawn tih sawiin EVM chu khawih chingpen theih a ni lo a ti. Pu Zorammuana chuan kumin Assembly inthlanah Consituency tinah Counting hall buatsaih tum a nih thu a sawi bawk.

Hemi hnu hian zawhna leh chhanna hun hman a ni a, EVM hman dan leh VVPAT hnathawh dan te, a him dan te entir a ni a, vote te pawh thlak chhin a ni. Chief Electoral Officer SB Shashank leh Aizawl District Election Officer Dr A Mutthama te pawhin thu an sawi a ni.