Aizawl District Election Officer Pu Vanlalngaihsaka’n kumin April ni 11-a Mizorama Lok Sabha inthlan-a vote thlak turah Aizawl District-ah venhimna uluk zawka kalpui ngaihna khaw 3 a awm tih a sawi.

0
232
views

Vawiina DC Conference Hall-a thuthar thehdarhtute a kawmnaah Pu Vanlalngaihsaka chuan, venhimna uluk zawka kalpui ngaihna khaw 3, Zokhawthiang, Daido leh North East Tlangnuam-ah te hian Central Armed Police Force te duty tir an ni dawn tih a sawi. Aizawl District huamchhung Assembly bial 14-ah chuan Polling station 331 a awm dawn tih a sawi a, vote nei mi 2,94,766 leh service vote 1937, an awm tih sawiin vote nei thar mi 18069 an awm tih a sawi. Hmeichhiate pual biaka polling station duan, Pink Polling station 34 siam tum a nih thu pawh Pu Vanlalngaihsaka hian a sawi a, vote tla te hi Assembly Annex Conference Hall-ah chhiar tura ruahman a ni a, Aizawl West I bye Election a vote tla te chu Govt. Aizawl College-ah chhiar tura ruahman a ni tih a sawi.