Aizawl District Village Council Conference cum Panchayati Sammelan Home Minister-in hawng

0
543
views

Ni hnih awh tur, Village Council Conference cum Panchayati Sammelan, Aizawl District tana buatsaih chu vawiin khan Synod Conference Centre-ah Home Minister, Pu R. Lalzirliana’n a hawng a. LAD Minister, Pu P.C. Lalthanliana pawhin a hmanpui. Home Minister chuan sorkarin ram hmasawn leh changkanna atana thil a ruahmante tihlawhtling tura Village Council an pawimawh thu leh, an mawhphurhna an hlen chhuah theih nan thawhhona tha neih a tul thu a sawi a. Village Council member-te chu khawtlang mipuiin mi rintlak leh rawntlaka ngaia an thlan tlin an nih angin, ngaihtuahna leh rilru sukthlek dan pawh a tha lama an hruai theih thu a sawi. Faina leh thianghlimna kawnga \an la zual zel turin VC hrang hrang kal khawmte chu a chah bawk. LAD Minister pawhin sorkar thil ruahman te hlawhtlinna chu a bul \hut, VC level-ah a innghat tih a sawi a. VC te hian khawtlang mamawh te an hre chiang a, sum leh pai an hmuh mila hnathawh leh khawtlang inawp dan fel fai leh \ha nei tura \an an lak a \ul thu a sawi. Aizawl District-a Village Council Conference hi sorkar laipuia Panchayati Raj Ministry-in Rashtriya Gram Swaraj Abhiyan Scheme hnuaia a buatsaih a ni a, District tinah he Conference hi buatsaih tur a ni. Aizawl District-a Village Council thawk \ha thlan chhuahte chu Maubuang VC, Darlawng VC leh Rulchawm VC te an ni.