Aizawl East I-a ZPM candidate, Pu K. Sapdanga’n ZPM sorkar thar a pian chuan hmasawnna hnathawk turin bial tinah Development Committee din a ni dawn niin a sawi.

0
276
views

 

Aizawl East I huam chhunga veng leh khaw hrang hranga ZPM-te hian vawiin khan an huam chhung \heuhah faina hnatlang an nei a, hnatlawng zawh hnuah Zemabawkah intawkkhawmin, hetah hian vantlang inkhawm an nei a ni. He inkhawm hi Zemabawk Local Forum MPF hruaitu, Upa Rothanga’n a kaihruai a, he biala ZPM candidate, Pu K. Sapdanga chuan, ZPM an lo sorkar lo palha thlantlin a nih pawhin he Committee hi din a ni dawn thova, MLA fund dik taka hman a nih theih nan hma an la dawn tih a sawi bawk. Pu K. Sapdanga chuan vote thlak nan ni 10 chauh hun a awm tawh nia sawiin, he inthlannaah hian mipuite chu an chunga thuneitu lal nge an thlan dawn, an tana rawngbawl thei tur tih ngun taka ngaihtuah turin a chah a, he inthlannaah hian Pathian leh mipui zara thil tithei dinhmuna an awm a nih chuan kohhran, khawtlang leh tlawmngai pawlte nen inlaichinna \ha a siam ang a, a huhova hnathawk thei turin inlaichinna \ha a siam hmasa phawt dawn tih sawiin ruihhlo do kawngah pawh khawtlang duhdan zawma chak taka hmalak a ni dawn niin a sawi a, ZPM sorkar-ah chuan sorkar hna, contract leh mimal hnaah pawl duhsak bik nei lovin eng pawl mi pawh ni se, hnathawk \ha apiang duhsak an nih tur thu a sawi a, sorkar thar hnuaiah chuan Minister bathlar leh Secretariat tual vela eizawn tumte tan hmun a awm dawn lova, a taima leh thawk tam apiang an dingchang tawh dawn a, sawhthing pawh a thar tam a piang an leisak tam dawn niin a sawi.

ZPM star campaigner, Pu PL Liandinga pawhin thusawiin, ZPM chu nikum August ni 15-a din, kum 1 vel chauha upa a ni chungin Mizoram hmun hrang hrangah a \hang duang hle niin a sawi a. Hei hi \halaiten sorkar \ha din an duh vang nia a lan thu sawiin, hmun tinah sorkar \ha a awm theih nana hmalak duhtu engemawzat hmuh tur an awm mek niin a sawi. Pu PL Liandinga chuan, buh leh bal thar tam leh ram leilung hausak ringawt chu hmasawnna thlentu a ni lo tih Myanmar ram awmdan a\angin chiang takin a lang tih sawiin, a taka hmasawn tur chuan sorkar kalphung \ha a awm phawt a ngai a, hei hi Tripura hmasawn dan a\angin chiang takina a finfiah theih niin a sawi.

ZPM star campaigner dang, Pu Vanneihtluanga pawhin, BJP nen thawkdun mai thei anga mi \henkhatin an sawi chu Politics hmanga inpuhchhiat tumna satliah a ni tih sawiin, ZPM chu langsar taka BJP hlauhawmzia leh Hindu pawl an nih thu auchhuahpuitu an ni tih a sawi a, ZPM Candidate ten Independent-a inthlan an chuh nachhan pawh ECI pawmpuina an la neih loh vang mai nia sawiin, an Candidate-te chu Independent Candidate pawh ni mah se, sum hmanga lei theih an ni dawn lova, heng mite hi Val Upa Council-in rinawmna thu a tiam tir vek bakah hetianga awlsam taka pawisa thlem chhuah theih loh tur mi rinawm tak vek an ni tih a sawi bawk.