Hawnna inkhawma thusawiin, Pu K. Sapdanga chuan a biala candidate zingah Chief Minister ni tura insawi an awm nia sawiin CM ni tura insawi chu Aizawla mi hausa panga-in sum an vur rawn niin a sawi a, sum lama \anpuitute chu candidate vek an ni a, heng mite hi thlantlin an nih chuan mi hausa sorkar a ding dawn niin a sawi a, mipuite chu fimkhur turin a chah bawk a ni.
He inkhawma thusawitu dang ZPM Adviser, Pu PL Liandinga chuan Mizorama ram hruaitu lu ber lo ni tawhte zingah thuneihna vawrtawp kawl chunga bial awp, mahse a bial mipuiten an hnawl tak zel a awm tih sawiin, chu chu tuna Aizawl East I biala MNF Candidate a ni tih sawiin, mipuite chu fimkhur turin a chah bawk.
He inkhawm hi Nausel ZPM Chairman, Pu NK Khupa’n a kaihruai a ni.
