Aizawl East I biala ZPM Candidate Pu K. Sapdanga’n Mizoram Assembly inthlanpui neih turah MNF an chak chuan Pu Zoramthanga nilo, midang Chief Minister tura an zawn a ngai dawn niin a sawi.

0
496
views

 

He thu hi tukina ZPM South Block in Zemabawka mithar lakluhna inkhawm an buatsaiha sawiin Pu K. Sapdanga chuan MNF chu bial dangah an lo chak viau a, sorkar siam thei khawp an nih pawhin a dinna biala, MNF Candidate Pu Zoramthanga erawh chu a dinna bial mipui ten an duh loh vangin a tla dawn niin a sawi a, ZPM chuan Mizoramah sorkar thar, kalphung thar siam turin ngawrh takin \an a la a, hei hi a hlawhtlin theih nan mi tamtakin \awngtaina nen an dil reng nia sawiin Zoram hmel thar hmuh tum zingah \halai \hahnem tak, kuthnathawktu tam tak an thawhrimna rah seng chak an awm niin a sawi. Pu K Sapdanga chuan MNF President chu a campaign-na ah mi hausa hruai a, campaign nan cheng vaibelchhe khat an hman chuan Aizawl East I mipuite chu an hneh vek thei dawn tih sawiah puhin pawi a tih thu a sawi a, mihausa inlulin lohna tur sorkar siam tumin mipuite chu \hahnem ngai takin an \ang mek zawk niin a sawi. He inkhawmah hian ZPM zawm thar mi engemaw zat a lawmluh bawk a ni.