Aizawl East-I huam chhung Muthi-a ZPM Campaign Information Office chu he biala ZPM Official Candidate, Pu K. Sapdanga’n vawiin khan a hawng a, an pawl mi leh sate chu ramhlui zia anga vote zawng lova ramthar zia a, Pathian duh dan ang zela vote zawng turin a chah.

0
516
views

He inkhawm hi Muthi MPF Local Forum Chairman, Upa Chhungdailova’n a kaihruai a, Pu K. Sapdanga chuan, vote thlak hmain ni 15 chiah hun a awm tawh tih sawiin, tun \uma mipuiten vote an thlak tur chu Mizoram chhiat leh \hata mawhphurtu tur thlanna a nih dawn avangin ngaihtuahna fim tak hmang chung vote thlak turin mipuite a sawm a ni. Pu K. Sapdanga chuan, kumina Mizoramin inthlanpui a hmachhawn turah hian thil danglam tak a thleng mek nia sawiin, tunhma lama inthlanah chuan mipuiten vote thlak an hreh \hin a, tun \umah erawh chuan sorkar hnathawk, neutral, \halai leh politics la ngaihven ngai lote pawhin vote thlak an nghakhlel tawh hle a, tunge paih an duh a, tunge tundin an duh tih a hriat tawh nia sawiin, he ram hian zu nghei thei lo Chief Minister neih a peih tawh lova, chutiang bawk chuan thu tiam vak vak ching Chief Minister neih pawh a peih tawh lova, dam chhunga Pahian rawngbawl tura nemngheh Chief Minister neih mipuiten an duh tawh niin a sawi.

Aizawl East-I ZPM Candidate chuan, \hahnem ngai taka an thawh rualin an pawl mi leh sate chu Pathian malsawm tlaka vote zawng turin a chah a. Inthlan ni thlengin ramhlui zia ni lova, ramthat zia anga vote zawng tur leh Pathian duh dana an kal hmasak phawt chuan malsawmna an dawng em em ang tih chu a rin dan a ni tih a sawi. Aizawl East I bial chu Aizawl rim nam bialah chuan kuthnathawktu tam bera bial an ni tih sawiin, an bial mipui zaa 90 vel chu kuthnathawka eizawng an ni a, kum 40 chhung rulling MLA bial an ni tawh chunga mirethei tamna bial an la ni chu vanduaithlak a tih thu sawiin, vawiin thlenga sorkar tui in phak lo te, sorkar step la zawh phak lo \hahnem tak an la awmte chu a zahthlak a, Pathian leh mipui zara ZPM-in thuneihna a chan a, amah chu hnathawk theia an siam a nih phawt chuan kuthnathawktuten an thawh phu tawk hlawkna an tel theih nan hmalak nghal a ni dawn a, veng mawng lam a\angin hmasawnna hna an thawk \an nghal dawn niin Pu K. Sapdanga chuan a sawi a ni.