Aizawl East I huam chhung Sihphir venghluna MNF Election Campaign Information Centre chu he biala MNF Candidate an party President Pu Zoramthanga’n vawiin khan a hawng.

0
373
views

 

Pu Zoramthanga chuan, Party dangte chu anmahni leh anmahni an inbei tawk chiah niin a sawi a, party president dangte angin bial hnihah a ding ve dawn lo tih a sawi a, Pathian leh mipui zarah thuneihna an chan chuan malsawmna ruai mipuite tan an chawi hniam dawn niin a sawi.

Pu Zoramthanga chuan, Aizawl East-1 bial leh mipuiten Development lamah hotupa ber bial nih a mamawh nia a hriat avangin East-I bialah a ding niin a sawi a, sorkarna an chan chuan Aizawl khawpui leh he Bial a awm nghet inhmun neilo te inhmun tur ngaihtuah sak an nih tur thute, Mizoram chu Solar State ah siam an tum thu te, ruahtui khawl an ngaih pawimawh tur thu te, kawng siam an ngaihpawimawh tur thu te bakah mipui ten ei zawnna ngel nghet an neih theih nan SEDP hmanga hma an lak tur thu te a sawi. Pu Zoramthanga hian an party zawm thar mi engemawzat an a lawmlut nghal bawk.