Aizawl East I MNF Block I-in vawiin khan Zemabawk YMA Hall-ah Block Conference an hmang. He biala MNF Candidate leh an party President, Pu Zoramthanga chuan Congress mipuiten MNF a sorkar dawn nia an ngaih avangin Congress chhuahsanin MNF-ah an lut zel niin a sawi a, Congress mangangin MNF leh BJP chu thawkdunah an puh ni a sawiin Congress chu BJP nena thawkdun zawk an nih thu leh a tichiangtu chu CADC sorkar a nih thu sawiin MNF leh BJP thawhdun anga an lo sawi a nih pawhin awihsak lo turin an party mipuite a chah.

0
374
views

Pu Zoramthanga chuan, Pathian leh kan ram tan tia Martar te thisena an sual chhuah Mizoram chu Hindutva hmanga nuai ral chu an remti ngai dawn lo niin a sawi a, Pathian leh kan ram tan tih chu an champion pui dawn a ni tih a sawi. Mi\henkhatin UPC vote duh lo anga an puhna chu chhangin Pu Zoramthanga chuan, mi pangngai tana sawi chi a nih loh thu sawiin thudik lo sawi \hin te tihawm tawk nia a ngaih thu a sawi bawk.

Inkhawm hi Aizawl East I Block MNF President Pu PC.Thlamuanpuia’n a kaihruai a, an party zawm thar mi engemawzat Pu Zoramthanga’n a lawmlut nghal a ni.