Local Steering Committee thar dinna inkhawm hi Airfield Veng MPF local forum secretary, Upa Vanlalhriatrenga’n a kaihruai a, Aizawl East-I a ZPM candidate, Pu K. Sapdanga chuan, Mizoram hmun tinah ZPM thli a tleh mek nia sawiin, ZPM chu sorkarna siam turin an inbuatsaih mek niin a sawi a. Mizo mipuiten kohhran bel tlat mi, dam chhunga kohhran rawngbawltu ni tura nemngheh Chief Minister neih an thlahlel tawh nia sawiin, zu nghei thei lo leh thil tiam duah ti hlawhtling si lo CM neih an duh tawh lo niin a sawi.
Pu K. Sapdanga chuan, Zoram mipuite’n inthlan an nghakhleh tawh hle niin a sawi a, tun hma chuan mipuiten vote thlak an huphurh a, kuminah erawh ZPM lakah Mizo mipuiin beiseina an neih avangin inthlan hi an nghakhlel tawh a, Politics ngaihven ngai reng reng lo \halai rualte pawhin politics an ngaihven tawh a ni, a ti.
Pu K. Sapdanga chuan, Airfield Veng leh a chhehvelte khuate chu kuthnathawktu tamna hmun a ni tih sawiin, kuthnathawktuten an thawhrim ang phu tawk hlawkna an tel lo \hin chu a pawi hle a ni, a ti a. ZPM chuan thlai tharte hralh dan tur engkim a ruahman tawh a, sorkarnakan chang a nih chuan man man zawkin thlai thar an lei dawn tih sawiin, Sorkar chu kuthnathawktute hmaah a ding tlat dawn a ni, a ti a, ZPM sorkarah chuan a thawkrim apiang an ding chhuak dawn niin a sawi.
